The Reformation: The Story of Civilization, Volume 6 | تہذیب کی کہانی | مذہبی بیداری

اس کتاب کا عنوان " اصلاح مذہب " در حقیقت اپنے اندر پوری دیانتداری نہیں رکھتا، لہند اواجب ہے کہ پیشگی طور پر قاری کو خوش ولی سے مطلع کر دیا جائے۔ اگر عنوان میں صداقت کی تمام تر باریکیاں ملحوظ رکھی جاتیں تو یوں ہوتا: "یورپی تمدن کی ایک تاریخ، جو اٹلی کے ماسوا 1300 سے لے کر 1564 تک محیط ہے، جس میں اٹلی میں مذہب کی تاریخ بھی شامل ہے، نیز یورپ، افریقہ اور مغربی ایشیا میں اسلامی اور یہودی تمدن کا سرسری منظر نامہ بھی پیش کیا گیا ہے ۔ " اتنی پھیلی ہوئی اور پر پیچ موضوعاتی سرحد کیوں؟ اس لیے کہ اس سلسایہ کتب " تاریخ تہذیب" کی چو تھی جلد ، جس کا عنوان "عبد ایمان " ہے، یورپی تاریخ کو فقط من 1300 تک لے آئی تھی اور پانچویں جلد " احیائے علوم " فقط انٹلی تک محدود رہی تھی ، وہ بھی 1304 سے 1576 تکاور اس نے اٹلی میں اصلاح مذہب کی بازگشت کو مؤخر کر دیا تھا۔ چنانچہ یہ چھٹی جلد اپنی کہانی کا آغاز من 1300 سے کرے گی اور قاری کو مسکراہٹ آئے گی جب وہ دیکھے گا کہ لوتھر کا ظہور تب ہوتا ہے جب داستان کا ایک تہائی حصہ بیت چکا ہوتا ہے۔ لیکن آئے ہم باہم اس بات پر خاموشی سے متفق ہو جائیں کہ اصلاح مذہب دراصل چودھویں صدی میں جان و کلف اور لوئیس آف با دیر یا سے شروع ہوئی، پندرھویں صدی میں جان جس کے ہاتھوں آگے بڑھی اور سولھویں صدی میں وٹن برگ کے بے باک راہب کے ہاتھوں زور و شور سے اپنے عروج کو پہنچی۔ وہ حضرات جن کی دلچسپی فقط اس مذہبی انقلابی تحریک میں ہے، وہ بے تامل طور پر ابواب سوم تا ششم اور نیم تا دہم کو چھوڑ سکتے ہیں، اس سے ان کے علم میں کوئی نا قابل تلافی کمی واقع نہ ہو گی۔

یوں اصلاح مذہب اس کتاب کا مرکزی موضوع ضرور ہے، مگر یہ تنہا عنوان نہیں۔ ہم آغاز کریں گے مذہب کے عمومی تصور سے، اس کے روحانی اور اجتماعی کردار سے اور کلیسائے روم کے ان حالات و مسائل سے جو لوتھر کی آمد سے دو صدی پیشتر موجود تھے۔ ہم نظر ڈالیں گے انگلستان پر (1376 تا 1382)، جرمنی پر 1320 تا 1347) اور بوہیمیا پر (1402 1485)، جہاں اصلاح مذہب کی فکری تیاری اور نظریاتی کشمکش کی جھلکیاں پہلے سے نمودار ہو چکی تھیں۔ اس کے ساتھ ہم دیکھیں گے کہ کسی طرح سماجی انقلابات ، جن میں اشتراکی امنگیں بھی پوشیدہ تھیں، مذہبی بغاوت کے ہمراہ گام به گام چلتے رہے۔ ہم گہن کے اس باب کی مدھم گونج سنیں گے جو قسطنطنیہ کے زوال سے متعلق ہے اور یہ محسوس کریں گے کہ ترکوں کی پیش قدمی جب ویانا کے دروازے تک آن پہنچی، تو ایک انسان کے لیے یہ ممکن ہو گیا کہ وہ بیک وقت بادشاہ اور پاپا دونوں کی تحدی کرے۔ ہم اراسمس کی ان پر خلوص مساعی کا بھی مطالعہ کریں گے جو کلیسا کی پر امن اندرونی اصلاح کے لیے کی گئیں۔ ہم لوتھر کی آمد سے قبل کے جرمنی کا جائزہ لیں گے اور شاید اس سے ہمیں یہ ادراک ہو کہ اس کی نمود کتنی ناگزیر تھی۔ کتاب دوم میں اصلاح مذہب کا اصل منظر نامہ پیش کیا جائے گا، جس میں جرمنی میں لوتھر اور سیلکٹھن ، سویٹزر لینڈ میں زونگی اور کیلوں ، انگلستان میں ہنری هشتم، اسکاٹ لینڈ میں ناکس اور سویڈن میں گستاؤ داسا شامل ہوں گے، ساتھ ہی فرانس اول اور چارلس پنجم کی طویل کشاکش پر ایک سرسری نگاہ ڈالی جائے گی اور یورپ کی اس ہنگامہ خیز نصف صدی (1517 تا 1564) کے دیگر پہلوؤں کو فی الحال مؤخر کیا جائے گا تا کہ مذہبی داستان بلا التو پوری شان سے ابھر سکے۔ کتاب سوم میں اُن " اجنبیوں " پر نظر ڈالی جائے گی جو یورپ کی دہلیز پر تھے: روس اور خاندان ایوان، کلیسائے آرتھوڈوکس اسلام، جس کا عقیدہ، تمدن اور قوت ایک گہری للکار تھی؛ اور یہودیوں کی یہ جد وجہد کہ وہ مسیحی دنیا میں مسیح کو تلاش کریں۔